又講下演唱會...

討論任何有關Alan的事情、新聞

又講下演唱會...

文章cityhunt » 2012-04-16, 01:08

o岩o岩睇完阿Sam許冠傑演唱會,
開心到訓唔著上黎講幾句.
又比較下阿Sam同我地偶像有幾樣野想講.

呀校長平時曝光率超高, 今時今日都常常係報紙見到佢,
出碟量已經減到2年至3年一隻.
演唱會呢? 只計個人, 2000年後大慨係香港開了40場左右吧
(只憑記憶, 實質數字請自己找)
近10年好多時都只夾埋李克勤及溫拿. 以為7月有得encore, 原來夾杜麗莎?!
2000年, 01, 02, 05, 10年. 個人計好多能要4-5年先開一次了.

歌神呢? 基本上no show, 報紙無, 宣傳0, 出唱片就近8年出了兩張碟.
演唱會呢? 原來復出後都已經超過50場了.
再計密度, 04, 05, 07大球場, 09, 同今次2012,
原來都開得幾密喎.
又原來可以聽個唱的機會係阿sam機會多過校長的, 估唔到呀!

再諗一諗, (其實我成日諗) 而家5-60果班人, 好似我阿媽果輩,
都有佢地既fans, 秋官呀, 阿姐, 陳浩德之類,
如果我到我阿媽咁既年齡, 仲有邊個歌手可以令我入場聽演唱會呢?
原來我會入場聽演唱會的歌手, 早年已經去哂同上帝打麻雀,
仲會入場的, 全部都過60了, 個天真係唔公平了....
頭像
cityhunt
 
文章: 217
註冊時間: 2010-07-27, 00:32

Re: 又講下演唱會...

文章沙煲仔 » 2012-04-16, 01:41

今日收到咁不幸嘅消息,冇哂心機。諗住由詠麟調帶起集體回憶,到新唱片重拾水準,七月演唱會可以乘勝追撃。
講返八十年代巨星,keep住做既有阿倫阿Lam, 復出吊高黎賣既有小鳳姐阿Sam.
由哥哥阿Sam小鳳姐復出可見,久休復出第一炮都實爆,再開場數已經減半,冇新鮮感
阿Lam場數由01年起已放緩至2-3場,而阿倫係夠號召力,近十年都維持8-10場。

阿Sam所謂50場,不要忘記,有44場是復出第一炮繼續微笑演唱會part 1-4, 近幾年都係3-4場。

阿Sam還有一招殺手鐧,就是復出後從不推出演唱會影音產品,我覺得對票房是有正面影響的。
頭像
沙煲仔
 
文章: 149
註冊時間: 2009-11-13, 02:19

Re: 又講下演唱會...

文章cityhunt » 2012-04-16, 02:54

以阿sam咁低曝光率
又無出新碟keep到2-3年開一次
每次3,4場,我覺得係極好了。
記得04年果次我有少少失望,
因為佢把聲沙沙啞啞,我都唔知佢唱live係咁還是keep得唔好
定唱太多塲
話就話唱到12點幾一點,不過又有楊支甘露sam's angel同當年無人知佢識唱歌的Ella
唔算太好睇,反而今次fit喎,聲又掂身型一定好過譚生
仲有跳下添!唔出碟呢下真係絕招來的,係好架咁你先珍惜覺得珍貴嘛。
頭像
cityhunt
 
文章: 217
註冊時間: 2010-07-27, 00:32

Re: 又講下演唱會...

文章AlanFan » 2012-04-16, 03:00

sam曝光率同新碟 少過譚生一大段.但論形像..其實佢老餅過Alan好多.但佢身豹紋招牌LooK及型仔跑車...真係in過手執兩袋金魚嘅倫伯...又隱埋自己多時..得閒無事唔會亂咁出鏡...宗師氣質強過Alan好多.持住奇貨可居心態...吸引力同噱頭口碑 好過Alan好多啦.如果Alan做親演唱會 好壞口碑係 73比例.我諗就算Sam唱到差極口碑都會係91.因為平時積蓄嘅能量勁過校長.
AlanFan
 
文章: 313
註冊時間: 2009-12-05, 22:39

Re: 又講下演唱會...

文章cityhunt » 2012-04-16, 03:19

AlanFan 寫:sam曝光率同新碟 少過譚生一大段.但論形像..其實佢老餅過Alan好多.但佢身豹紋招牌LooK及型仔跑車...真係in過手執兩袋金魚嘅倫伯...又隱埋自己多時..得閒無事唔會亂咁出鏡...宗師氣質強過Alan好多.持住奇貨可居心態...吸引力同噱頭口碑 好過Alan好多啦.如果Alan做親演唱會 好壞口碑係 73比例.我諗就算Sam唱到差極口碑都會係91.因為平時積蓄嘅能量勁過校長.


手執兩袋金魚
比你笑到我夜媽媽都噴添。
話時話衣著呢下譚生真係唔掂
再度感動那套肥膠衫加個頭套想點?
佢見報係多不過亂up仲多又係死症!

仲有我一向以為三面台係低成本之作
今次阿sam隻豹真係我第一次覺得靚的
Good show!
頭像
cityhunt
 
文章: 217
註冊時間: 2010-07-27, 00:32

Re: 又講下演唱會...

文章jon » 2012-04-16, 10:29

我未睇過許冠傑, 不便評論. 姑勿論佢係咪刻意低調, 但呢種神秘感往往增加入場意慾, 正如張國榮復出後兩次演唱會一樣. Alan高調, 高見報率, 講多錯多反而趕客. 最緊要係宣傳成本, 許冠傑廣告多Alan幾倍!

拉埋張學友落水, 三人都分別係70, 80, 90年代No.1 王者. 我地發覺以下共通點

張學友 & 許冠傑:
1). 如非必要, 平日收埋
2). 絕少做別人嘉賓
3). 幾年一度演唱會, 大production, 攪大noise再巡迴

Alan:
1). 見報率可入健力士, 去買魚去旅行去食飯全世界都知
2). 嘉賓王
3). 溫拿又見, 左右又見, MR又見
誰曾熱愛我 還盡以愛 用真心作證
頭像
jon
 
文章: 334
註冊時間: 2008-08-20, 04:29

Re: 又講下演唱會...

文章小寒 » 2012-04-16, 23:43

曝光率真的爆燈,有時prefer佢收埋一陣,同埋focus話題係音樂度
頭像
小寒
 
文章: 85
註冊時間: 2009-12-27, 13:43

Re: 又講下演唱會...

文章小寒 » 2012-04-16, 23:48

2000後: 個人 10+8+6+11+8 =43
左右: 12 + 6+ 11 + 11 = 40
溫拿: 13 + 6 = 19
頭像
小寒
 
文章: 85
註冊時間: 2009-12-27, 13:43

Re: 又講下演唱會...

文章AlanFan » 2012-04-17, 15:11

cityhunt 寫:
AlanFan 寫:sam曝光率同新碟 少過譚生一大段.但論形像..其實佢老餅過Alan好多.但佢身豹紋招牌LooK及型仔跑車...真係in過手執兩袋金魚嘅倫伯...又隱埋自己多時..得閒無事唔會亂咁出鏡...宗師氣質強過Alan好多.持住奇貨可居心態...吸引力同噱頭口碑 好過Alan好多啦.如果Alan做親演唱會 好壞口碑係 73比例.我諗就算Sam唱到差極口碑都會係91.因為平時積蓄嘅能量勁過校長.


手執兩袋金魚
比你笑到我夜媽媽都噴添。
話時話衣著呢下譚生真係唔掂
再度感動那套肥膠衫加個頭套想點?
佢見報係多不過亂up仲多又係死症!

仲有我一向以為三面台係低成本之作
今次阿sam隻豹真係我第一次覺得靚的
Good show!



所以你睇到今時今日對譚生嘅評價就知呢D嘢好難怪到其他人.甚至係Lam.只要佢一出.好多人都另眼相看.
宜家網絡(現實唔講)幾多人反譚生.其實原因係Alan做得唔夠令人尊重.當然.時代變咗.唔係完全Alan嘅錯.
或者D人持正面態度.會覺得譚生咁樣積極樂觀係好事.但係好事唔等於就咁受落.譚生做過推銷員.佢應該
知道sell嘢嘅藝術.唔係夾硬嚟.好似佢隻新碟咁.以正能量為噱頭.憑心講D歌係得.但嘅構思就唔係好得.講到
尾一句.佢自己有屎係身.點造番D香水出嚟大眾受用?
AlanFan
 
文章: 313
註冊時間: 2009-12-05, 22:39

Re: 又講下演唱會...

文章譚氏擁躉 » 2012-04-18, 01:20

好多時真係需要沈默是金, 譚生由97(?)年開始, 每次演唱會都重申"冇花巧, 純音樂, 現今演唱會己經離軌"等廢話, 等同趕客.
Sam Hui曝光率低反而係好事, 唔會俾人話阿伯囉嗦.

我可以咁講, Sam Hui, 徐小鳳識見好就收, 俾人巨星感覺. 譚生唔知衰又唔收口, 所以成日中招. 仲有, 演唱會口碑係人地建立, 唔係靠自己把口ge.
譚氏擁躉
 
文章: 247
註冊時間: 2010-01-17, 00:01

下一頁

回到 一般討論區

誰在線上

正在瀏覽這個版面的使用者:沒有註冊會員 和 1 位訪客

cron